طريقة عمل الفشه

الثلاثاء نوفمبر 08, 2011 5:30 am

طريقة عمل الفشه

طريقه عمل الفشه والطحال
طبعا ناس كتيره يحبوا ياكلوهم من برا
بس النهارده هتعمليها فى بيتك بسهوله جدا
وكمان نضافه وامان ليكى ولاولادك
وهتعجبهم جدا وهيقولو كمان احسن من بره

الطريقه:

هاتى الفشه وبعدين اغسليهاكويس جدا ومن غير ماتقطعيها
وبعدين اسلقيها فى مايه وفيها ورق لورى وحبهان
وملح
بسسسسسسسس
وبعد ماتتسلق
سبيها تبرد
وبعدين قطعيها قطع صغيره
زى الشاورما بالظبط
وهاتيها وتبليها
فى شويه خل وفلفل احمر وقطعيه
وشويه فلفل اسمر وليمون
وبسسسسسسس
وبعدين سخنى الزيت واقليها فيها
ممكن تلاقى الزيت فى رغوه بسيطه اعصرى فيه ليمونه
وبعدين
تكونى مقطعه البقدونس
وتفرشيه فى الطبق
وطلعى الفشه من القلايه
وبعدين طلعيها على مناديل المطبخ
وبعد مايتشرب الزيت حطيها فى طبق
البقدونس
ورشى عليها حبه فلفل اسود وملح
شعره بسيطه
وووووووشويه بقدونس اخضر
وقدميها مع بطاطس مقليه
وسلطه طحينه
وعيش اسمر او بلدى او حتا فينو
وشوفى طعما
ولو حابه تعملى ساندوتشات
حطى الطحينه فى الساندوتش وافرديها بالمعلقه وفوقيها الفشه
والبقدونس